تیمەكانی بەرگریی شارستانی هەولێر كۆنتڕۆڵكردنی ئەو ئاگرەیان راگەیاند كە ئەمشەو لە دوكانێك لە شارەدێی بەحركە لە سنووری پارێزگای هەولێر كەوتبووەوە.
ئاگرەكە لە كاتژمێر 7ی ئەمشەو لە دوكانێكی هەرزان بازاڕ لەنێو بازاڕی بەحركە كەوتبووەوە.
تیمەكانی بەرگریی شارستانی هەولێر گەیشتنە شوێنی رووداوەكە و توانیان لە ماوەیەكی كەمدا ئاگرەكە كۆنتڕۆڵ بكەن.
بەرگریی شارستانی هەولێر ئاماژەی بەوەش دا كە لە ئاگرەكەدا زیانی گیانی نەبووە، بەڵام زیانێكی زۆری ماددی لە دوكانەكە كەوتۆتەوە.
کۆمێنت (0)
تا ئێستا هیچ کۆمێنتێک نەکراوە.