لە چوارچێوەی ئامادەكارییەكان بۆ رۆژانی جەژنی رەمەزانی پیرۆز، لە ئێستاوە فرۆشتنی یارییە ئاگرینەکان بۆ رۆژانی جەژن لە شارۆچكەی ڕانیە قەدەغە كرا.
ئەمڕۆ چوارشەممە لیژنە هاوبەشەکانی شارۆچکەی ڕانیە بڵاوی کردەوە: ئاگاداری خاوەن کار و دوکاندارەکان دەکەینەوە كە لەپێناو سەلامەتی و دووربوونی منداڵان لە هەر مەترسییەکی یارییە ئاگرینەکان، هەروەها بۆ بێزارنەکردنی هاووڵاتییانی سنوورەکە و ڕەخساندنی کەشێکی ئارام بۆیان لە ڕۆژانی جەژندا، فرۆشتنی یارییە ئاگرینەكان بەهەموو شێوەیەک قەدەغەیە.
ئاماژە بەوەش کراوە: ئەو کەسانەی مامەڵە بە یارییە ئاگرینەکان دەکەن ڕێکاری یاسایی توندیان بەرامبەر دەگیرێتەبەر بە داخستنی شوێنی کارەکەیان و پێ بژاردنی ماددی.
جەختیش لەوە كراوەتەوە كە ئەوانەی شوێنی کاریان نییە و مامەڵە بە یارییە ئاگرینەکان دەکەن، دەدرێنە دادگا.
کۆمێنت (0)
تا ئێستا هیچ کۆمێنتێک نەکراوە.