تۆكس كە بە (ئافرەتە تاتۆكە) ناسراوە بەهۆی ئەوەی تەواوی رووخسار و جەستەی تاتۆ و نەشتەرگەری كردووە، بۆ یەكەمجار وێنەیەكی خۆی پێش تاتۆكردن و ئەنجامدانی نەشتەرگەری بڵاو دەكاتەوە.
بە وتەی تۆكس وێنەكە بۆ شەش ساڵ بەرلەئێستا دەگەڕێتەوە كە رووخسارێكی ئاسایی هەیە و هیچ تاتۆ و نەشتەرگەرییەكی ئەنجام نەداوە.
تۆكس بەهۆی تاتۆ و نەشتەرگەرییەوە تەواوی رووخساری گۆڕیوە بەشێوەیەك كە رووخساری بەهیچ شێوەیەك لە پێشووتری ناچێت، هەر ئەمەش وای كردووە ناوبانگ پەیدا بكات.
تۆكس دەڵێت: لە تاتۆ و نەشتەرگەرییەكان هیچ هەستێكم بە ئازار نەكردووە، تەنیا لە نەشتەرگەری لابردنی لووتم نەبێت كە ئازاری زۆرم چەشت بەهۆی ئەوەی ماوەی 8 هەفتە تووشی هەوكردن و ئاوسان ببووەوە.
تۆكس لەبارەی هۆكاری ئەنجامدانی ئەم تاتۆ و نەشتەرگەرییانە دەڵێت: حەز دەكەم مرۆڤێكی ئاسایی و تەواو نەبم، چونكە ئەمە دەبێتە هۆی ئەوەی كەسێكی تاك و جیاواز بم.
کۆمێنت (0)
تا ئێستا هیچ کۆمێنتێک نەکراوە.