Erbil 25°C ھەینی 04 نیسان 15:56

سبەی بەشێكی شەقامی 120 مەتری هەولێر دادەخرێت

کوردستان TV
100%

هاتوچۆی هەولێر ئاگاداری شوفێران و هاووڵاتییان دەكاتەوە كە سبەی چوارشەممە بەشێكی شەقامی 120 مەتری شاری هەولێر دادەخرێت.

بەڕێوەبەرایەتی هاتوچۆی هەولێر دەڵێت "سبەی چوارشەممە لە کاتژمێر 6ی بەیانییەوە بەشێكی شەقامی 120 مەتری خێرا دادەخرێت بەهۆکاری دووبارە قیرتاوکردن و نۆژەنکردنەوە".

دەشڵێت "داخستنەكە لە دوو ڕێڕەوی شەقامەكە دەبێت لە پردی ڕەشکین تا نزیک فڕۆکەخانەی هەولێری نێودەوڵەتی، واتە هاتوچۆ تەنیا لە یەك ڕێڕەوی شەقامەكەدا دەكرێت".

هاتوچۆی هەولێر ئاماژە بەوەش دەكات كە تا ئەو کاتەی کاری قیرتاوکردنەکە تەواو دەبێت داخستنی بەشەكانی شەقامەكە بەردەوام دەبێت، دوای تەواوبوونیش شەقامەکە بە تەواوەتی بەڕووی هاتوچۆ ئاسایی دەبێتەوە.

داواشی لەشوفێران كرد تا دەتوانن ئەم شەقامە بەکار نەهێنن بەڵكو شەقامی جێگرەوە بەکار بهێنن، چونکە بەهۆکاری داخستنی دوو ڕێڕەوی شەقامەکە ئەگەری دروستبوونی جەنجاڵی هەیە.

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.