ئەمڕۆ يەكشەممە بەڕێوبەرایەتیی گشتیی پەروەردەی سلێمانی ڕێنمایی بۆ قوتابخانەكانی سنوورەكەیان دەرکرد کە پابەندیی ساڵنامەی خوێندنی وەزارەتی پەروەردە نەبوون.
بەڕێوبەرایەتیی پەروەردەی سلێمانی ڕایگەیاند: لەو قوتابخانانەی سنووری پارێزگای سلێمانی کە پابەندی دەوام نەبوونە، پۆلە ناکۆتاکان واتە پۆلەکانی 4-9ی بنەڕەتی لەگەڵ پۆلەکانی 10 و 11 لە 13 تاوەکو 22ی مانگی 4 تاقیکردنەوەی نیوەی وەرزی دووەم ئەنجام دەدەن.
پەروەردەی سلێمانی ئاماژەی بەوەش کردووە: تاقیکردنەوەی پۆلە کۆتاکان کە پۆلی 9 و 12 دەگرێتەوە، گۆڕانکاری تێدا نەکراوە و لە کاتی خۆیدا دەبێت کە لە ڕێکەوتی 8ی مانگی 4 دەست پێ دەکات و لە 21ی هەمان مانگدا کۆتایی دێت.
هەر لە ڕاگەیاندراوەکەی پەروەردەی سلێمانیدا هاتووە، ڕۆژانی شەممە تاقیکردنەوە ئەنجام دەدرێت و ئەگەر لە ماوەی تاقیکردنەوەکان پشوو دروستبوو ئەوا لەڕۆژی دواتر تاقیکردنەوەکان دەکرێن.
هاوکات تاقیکردنەوەکانی خولی یەکەم و دووەمی وەرز لە کاتی خۆیاندا بەپێی ساڵنامەی خوێندنی وەزارەتی پەروەردە ئەنجام دەدرێن.
کۆمێنت (0)
تا ئێستا هیچ کۆمێنتێک نەکراوە.