ئەمەریکا داوا لە عێراق ده‌كات، پشتبەستن بە سەرچاوەی وزەی ئێران ڕابگرێت.
سبەی شەممە، 8ـی ئاداری 2025 بەخشینی عێراق لە سزاکانی سەر هاوردەکردنی گازی ئێران کۆتایی دێت.
تامی بروز، گوتەبێژی وەزارەتی دەرەوەی ئەمەریکا ڕایگەیاند، "لەم کاتەدا هیچ شتێکمان نییە سەبارەت بە لێخۆشبوونی عێراق لە سزاکانی سەر هاوردەکردنی گازی ئێران کە 8ـی ئادار کۆتایی دێت".
گوتەبێژەکە پێشوازی لە پابەندبوونی محەممەد شەیاع سوودانی، سەرۆک وەزیرانی عێراق "بۆ گەیشتن بە سەربەخۆیی وزە" کرد
لە ئێستادا عێراق 27 هەزار مێگاوات کارەبا لە ڕێگەی وێستگەکانەوە بەرهەم دەهێنێت، زۆربەیان بە گاز کاردەکەن،
ئەم بڕە کارەبایە پێداویستییەکانی وڵات دابین ناکات، بۆیه عێراق پێویستی بە زیادکردنی بەرهەمهێنانی كاره‌با هەیە تاکوو بگاتە 40 هەزار مێگاوات.
بۆ چارە کردنی ئەم قەیرانە، عێراق پەنای بۆ هاوردەکردنی بڕێکی زۆر لە گازی ئێرانی برد، ئەمەش له كاتێكدایه كه ئه‌مه‌ریكا سزای ئابووری توندی خستۆته سه‌ر سه‌رچاوه‌ی وزه‌ی ئێران.
پاش گه‌رانه‌وه‌ی دۆناڵد ترەمپ، بۆ گه‌ری دووه‌می سەرۆکایه‌تی ئەمەریکا، بریاریدا گوشاره‌كانی سه‌ر ئێران توندتر بكات. لە ئەنجامدا حکوومەتی عێراق داوای لە ئیدارەی نوێی ئەمەریکا کردووە ئەو لێخۆشبوونە بۆ ماوه‌یێگ درێژبکاتەوە، كه لەلایەن ئیدارەی پێشووەوە ئه‌مه‌ریكا پێی دراوە.
له‌م چوارچێوه‌یه‌دا سودانی لەمیانەی چاوپێکەوتنەکەدا دەستی خستە سەر پرسی کۆتایی هێنان بە پشتبەستن بە پێداویستییەکانی ئێران و ئاماژەی بەوەدا، وڵاتەکە پلانی هەیە تا ساڵی 2028 بە تەواوی کۆتایی بە هاوردەکردنی گاز بهێنێت و دەشڵێت: سەربەخۆیی وزەی ڕوون دەبێتەوە.
ناوبراو لە درێژەی قسەکانیدا گوتی: لە کۆتاییدا پێویستمان بەم ئیستسنایە هەیە بۆ ئەوەی بە درێژایی ئەم ماوەیە بەردەوام بێت. لە هەمان کاتدا دەستمان بە پرۆسەی بەستنەوەی وزە لەگەڵ وڵاتانی دراوسێ کردووە بۆ ئەوەی پێداویستییەکانمان دابین بکەین و ئەمەش بەشێکە لەو چەمکە یەکگرتنە کە لەگەڵ براکانمان بەدوایدا دەگەڕێین.
کۆمێنت (0)
تا ئێستا هیچ کۆمێنتێک نەکراوە.