دۆناڵد تره‌مپ: سەرۆکی ئۆکراینا ئامادەیه دانوستاندن لەگەڵ رووسیا بكات
رۆژی سێشەممە 4ی ئاداری 2025 دۆناڵد ترەمپ، سەرۆکی ئەمریکا لە کۆنگرێسی وڵاتەکەی بە ئامادەبوونی ئەندامانی هەردوو پارتی کۆماری و دیموکراتەکان، گوتارێکی لەبارەی سیاسەتەکانی ئیدارەکەی پێشکێش کرد.
ترەمپ گوتی، نامەیەکی گرنگم لە سەرۆکی ئۆکرایناوە پێگەیشتووە و دەڵێت، ئۆکراینا ئامادەیە بە زووترین کات بێتە سەر مێزی دانوستان بۆئەوەی ئاشتی بەرقەرار ببێت. ئۆکراینییەکان گه‌لێكی ئاشتیخوازن.
چەند کاژێرێک پێش گوتارەکەی ترەمپ، زیلینسکی ئامادەیی وڵاتەکەی بۆ ئاگربەست راگەیاند، سوپاسی ئەمریکا و ترەمپی کرد کە "یارمەتییەکانیان بۆ سەربەخۆیی و یەکپارچەیی خاکی ئۆکراینا بەردەوام بووە،
هه‌روه‌ها زیلینسکی سوپاسگوزاری هاوکارییە سەربازییەکانی ئەمریکا كردووه بۆ وڵاتەکەی و ئامادەیی ئەوەیشی دەربڕیوە کە رێککەوتنی کانزاکان لەگەڵ ئەمریکا بکات.
لەبارەی کۆبوونەوەکەی رۆژی هەینیش لەگەڵ ترەمپ، زیلینسکی رایگه‌یاندووه، جێگەی داخە کۆبوونەوەکەمان لە کۆشکی سپی بە ئاراستەیەكی باش نەڕۆیشت کە ئێمە دەمانویست، ک. ئێستا کاتی ئەوەیە شتەکان راست بکەینەوە. ئێمە چاومان لەوەیە هاوئاهەنگی و پەیوەندییەکانمان لە داهاتوودا بنیاتنەرانە بن.
ئه‌مه‌ش له كاتێكدایه كه رۆژی سێ شه‌ممه ئیدارەی ئەمریکا هەموو هاوکارییە سەربازییەکانی بۆ ئۆکراینا راگرت.
پێشتر چەند جارێک سەرۆکی ئەمریکا گوتوویەتی هاوکارییەکانیان رانەگرتووه، بەڵام رەتیشی نەکردووەتەوە ئەو هاوکارییانە رانەگیرێن.
کۆمێنت (0)
تا ئێستا هیچ کۆمێنتێک نەکراوە.