وەزارەتی ناوخۆی هەرێمی كوردستان نرخی وانەكانی فێركردن و راهێنانی شوفێری لە هەرێمی كوردستان دیاری كرد كە بۆ هەر وانەیەك لەنێوان 3 هەزار و 20 هەزار دینار دەبێت.
بڕیارەكە لەلایەن هێمن میرانی بەڕێوەبەری گشتی وەزارەتی ناوخۆ واژۆ كراوە و تێیدا هاتووە "سەبارەت بە جێگیركردنی نرخی وانەكانی تیۆری و پڕاكتیكی بۆ فێربوون و راهێنانیكردنی شوفێری بۆ دەرهێنانی مۆڵەتی جۆری (B) لە نووسینگەكانی فێركردنی شوفێری و بە ڕەچاوكردنی بارودۆخی دارایی هاووڵاتییان، پێویستە بۆ ساڵی 2025 بەمشێوەی خوارەوە بێت:-
1- بۆ هەر وانەیەكی تیۆری 45 خولەكی تەنیا بڕی 3 هەزار دینار دەبێت
2- بۆ هەر وانەیەكی پڕاكتیكی یەك كاتژمێری تەنیا بڕی 20 هەزار دینار دەبێت.
3- پێویستە نووسینگەكانی فێركردنی شوفێری پابەندی ئەم نرخانە بن.
هۆبەكانی چاودێری لە گشت بەڕێوەبەرایەتییەكانی هاتوچۆ دەبێت چاودێری جێبەجێكردنی ئەم نووسراوە بكەن.
کۆمێنت (0)
تا ئێستا هیچ کۆمێنتێک نەکراوە.