Erbil 12°C شەممە 01 ئازار 13:14

سێیەم رۆژە لەسەریەك نرخی نەوتی عێراق لە بازاڕەكانی جیهان روو لە دابەزینە

کوردستان TV
100%

ئەمڕۆ هەینی بووە سێیەم رۆژ لەسەریەك نرخی نەوتی عێراق لە بازاڕەكانی جیهان رووی لە دابەزینە، نەك هەر نەوتی عێراق، بەڵكو نەوتی جیهان بەشێوەیەكی گشتی رووی لە دابەزین كردووە.

بەگوێرەی ئەو زانیارییانەی وەزارەتی نەوتی عێراق بڵاوی كردۆتەوە، ئەمڕۆ هەینی نرخی هەر بەرمیلێك نەوتی خاوی سووكی بەسڕە بە 74.32 دۆلاری ئەمەریكی لە بازاڕەكانی جیهان مامەڵەی پێوە كراوە.

هەروەها نەوتی خاوی مامناوەندیش بە 71.26 دۆلار مامەڵەی پێوە كراوە، واتە هەردوو جۆرە نەوتەكە نرخەكەی بە رێژەی 0.29% رووی لە دابەزین كردووە.

بەهەمانشێوە نرخی جۆرەكانی دیكەی نەوتی جیهانیش رووی لە دابەزین كردووە، ئێستا هەر بەرمیلێك نەوتی خاوی برێنت بە 73.26 دۆلار مامەڵەی پێوە دەكرێت، بەهەمانشێوە نرخی هەر بەرمیلێك نەوتی خاوی تێكساسی ئەمەریكیش 70.04 دۆلارە.

ئابووری

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.