لە چوارچێوەی ڕێککەوتنی نێوان ئیسرائیل و حەماس، دەروازەی سنووری ڕەفەح لە نێوان کەرتی غەززە و میسر کراوەتەوە.
دەروازەی سنووری ڕەفەح دوای هەشت مانگ لە داخرانی، لە چوارچێوەی ڕێککەوتنی نێوان ئیسرائیل و حەماس، بە مەبەستی بردنە دەرەوەی برینداران بۆ میسر، کراوەتەوە.
بە پێی ڕێککەوتنی نێوان ئیسرائیل و حەماس، ڕۆژانە50 بریندار و سێ کەسی هاوڕێی بریندارەکان بۆیان هەیە لە دەروازەکە تێپەڕن.
لە دەروازەکەدا ڕێگە بە هاتوچۆی دانیشتووانی سنووری غەززە نادرێت و تەنیا ڕێگە بە دەرچوونیان دەدرێت و حکوومەتی میسر و هەروەها دەزگای هەواڵگریی ناوخۆیی ئیسرائیل (شین-بێت) چاودێری دەروازەکە دەکەن ڕێگە بە دەرچوونیان دەدەن.
دەروازەی سنووری ڕەفەح لە نێوان کەرتی غەززە و میسر هەڵکەوتووە و لە لایەن سوپای ئیسرائیلەوە دوای کۆنتڕۆڵکردنی لە 7ی ئایاری 2024 داخرابوو.
کۆمێنت (0)
تا ئێستا هیچ کۆمێنتێک نەکراوە.