لە سوید سەلوان مۆمیکا کوژرا

لە سوید سەلوان مۆمیکا کە بە کردەی سووتاندنی قورئانی پیرۆز ناسرابوو، تەقەی لێکرا و کوژرا.

بەپێی هەواڵێکی ڕۆژنامەی Aftonbladet، مۆمیکای تەمەن 38 ساڵان، دوێنێ شەو لە شوقەی باڵەخانەیەکی شاری سۆدەرتەلیەی تەقەی لێکراو کوژرا.

لە کاتێکدا لە تیک تۆک پەخشی ڕاستەوخۆی دەکرد، مۆمیکا لە ماڵەکەیدا ڕووبەڕووی هێرشی چەکداریی بووەوە.

دوای ئاگادارکردنەوەیان هێزەکانی پۆلیس گەیشتنە شوێنی ڕووداوەکە و، تەرمی مۆمیکایان دۆزیەوە.

بەمەبەستی دەستگیرکردنی ئەنجامدەری هێرشەکە، پۆلیس دەستی بە ئۆپەراسیۆن کردووە.

سەلوان مۆمیکا (سەلوان نەجم) کە هاووڵاتی عێراق بوو و، کردەی سووتاندنی قورئانی پیرۆز لە سوید ئەنجامدا، بە تۆمەتی " تاوانی ڕق و کینە لە 16ی کانوونی دووەمدا دادگایی کردنی دەستیپێکرد.

چاوەڕوان دەکرا دادگا کاتژمێر 11ی پێش نیوه‌ڕۆی ڕۆژی هەیینی 31ی کانوونی دووەم بڕیارەکەی ڕابگەیەنێت.

مۆمیکا لە هەشتی حوزەیرانی 2023دا لەبەردەم مزگەوتی ستۆکهۆڵم لەژێر پارێزی پۆلیسدا قورئانی پیرۆزی سووتاند.