نووسینگەی راگەیاندنی حكوومەت لە غەززە ئەمڕۆ دووشەممە ئاشكرای كرد كە تا ئێستا زیاتر لە 300 هەزار ئاوارە گەڕاونەتەوە غەززە.
نووسینگەكە لە راگەیەنراوێكدا بڵاوی كردەوە: دوای 470 رۆژ لە جەنگ، هاووڵاتییانی فەڵەستینی بە لێشاو لە رێگەی هەردوو شەقامی رەشید و سەڵاحەدین دەگەڕێنەوە سەر ماڵ و حاڵیان.
بڵاویشی كردەوە: بەگوێرەی ئامارەكان تا ئێستا زیاتر لە 300 هەزار ئاوارە گەراونەتەوە.
لەلایەكی دیكەشەوە گوتەبێژی بەرگریی شارستانی كەرتی غەززە ئاماژەی بەوەداوە كە دوای راگەیاندنی ئاگربەست و رێگەدان بە گەڕانەوەی ئاوارەكان، تا ئێستا نزیكەی نیو ملیۆن ئاوارە لە باشوورەوە گەڕاونەتەوە باكوری غەززە.
ئەمە لەكاتێكدایە كە رۆژی یەكشەممەی هەفتەی رابردوو رێكەوتی 20/1/2025 بەفەرمی ڕێککەوتنی ئاگربەست لەنێوان بزووتنەوەی حەماس و ئیسرائیل لە کەرتی غەززە چووە بواری جێبەجێکردنەوە.
کۆمێنت (0)
تا ئێستا هیچ کۆمێنتێک نەکراوە.