دۆناڵد ترەمپ دووچاری یەكەم قەیران لە ناوخۆی ئەمەریكا بووەتەوە ئەویش گرانبوون و دەستنەكەوتنی هێلكەیە لەناو بازاڕ و فرۆشگاكاندا.
كێشەی گرانبوون و كەمبوونەوەی هێلكە لە فرۆشگاكانی ئەمەریكا بەهۆی رێكارەكانی خۆپارێزی لە پەتای ئەنفلۆنزای باڵندە دروست بووە.
بەگوێرەی داتاكانی وەزارەتی كشتوكاڵی ئەمەریكا لە ماوەی تەنیا مانگێكدا زیاتر لە 13 ملیۆن باڵندە لە ئەمەریكا تووشی پەتای ئەنفلۆنزای باڵندە بوونەتەوە.
هاووڵاتییانی ئەمەریكا ئێستا بە زەحمەت یاخود بە نرخێكی گرانتر دەتوانن هێلكەیان لە فرۆشگاكان دەست بكەوێت، هەر پاكێتێك هێلكە نرخەكەی زیاتر لە 7 دۆلاری هاتۆتە سەر.
ئەگەر رێكارەكانی خۆپارێزی لە پەتای ئەنفلۆنزای باڵندە لە ئەمەریكا هەروا بە توندی بمێنێتەوە، پێشبینی دەكرێت قەیرانی دەستكەوتنی هێلكە لە ناوخۆی ئەمەریكا گەورەتر ببێت و نرخەكەشی هەر پاكێتێك نزیكەی 20 دۆلاری بكەوێتە سەر.
کۆمێنت (0)
تا ئێستا هیچ کۆمێنتێک نەکراوە.