سبەی دووشەممە كۆڕبەندی ئابووری داڤۆس 2025 لە وڵاتی سویسڕا دەست پێ دەكات، سەرۆكی حكوومەتی هەرێمی كوردستان بە سەرۆكایەتی شاندێكی هەرێمی كوردستان لە كۆڕبەندەكە بەشدار دەبێت.
كۆڕبەندەكە سبەی دووشەممە دەست بە كارەكانی دەكات و تا رۆژی هەینی رێكەوتی 24/1/2025 بەردەوام دەبێت، چاوەڕوان دەكرێت زیاتر لە 3 هەزار بەشداربوو لە 130 وڵاتی جیهان بەشداری لە كۆڕبەندەكەدا بكەن.
مەسرور بارزانی سەرۆكی حكوومەتی هەرێمی كوردستان لە پاڵ نزیكەی 1600 سەرۆك و سەركردە و بازرگانی وڵاتانی جیهان، یەكێك دەبێت لە بەشداربووان و شاندێكی هەرێمی كوردستانیش لەگەڵیدا هاوسەفەر دەبن.
بڕیارە لە كۆڕبەندی ئەمساڵی داڤۆس چەند تەوەری گرینگ تاوتوێ بكرێن، سەرەكیترینیان ململانێكانی رۆژهەڵاتی ناوەڕاست و ئاگربەست لە غەززە و حكوومەتی نوێی سووریا و هەروەها گۆڕانكارییەكانی كەشوهەوا و كەوتنەوەی ئاگرەكەی ویلایەتی كالیفۆرنیا لە ئەمەریكا.
کۆمێنت (0)
تا ئێستا هیچ کۆمێنتێک نەکراوە.