سەرلەئێوارەی ئەمڕۆ یەكشەممە بزووتنەوەی حەماس سێ لە دیلەكانی ئیسڕائیلی رادەستی خاچی سووری نێودەوەڵەتی كرد و بڕیاریشە لەبەرامبەردا 90 دیلی فەڵەستینی ئازاد بكرێت.
بزووتنەوەی حەماس سێ دیلی رادەستی خاچی سووری نێودەوڵەتی كردووە بۆ ئەوەی ببرێنەوە ئیسڕائیل، دیلەكانیش بریتین لە سێ ئافرەتی گەنج بە ناوەكانی رۆمی جۆنین 24 ساڵ، ئیمێلی داماری 28 ساڵ و دۆرۆن شتانبار 31 ساڵ.
چاوەڕوان دەكرێت سێ دیلەكە لەلایەن خاچی سووری نێودەوڵەتییەوە رادەستی سوپای ئیسڕائیل بكرێت و دواتریش بگوازرێنەوە بۆ نەخۆشخانە و لەوێ بە كەسوكارەكانیان شاد ببنەوە.
بەگوێرەی رێككەوتنەكان لەبەرامبەر رادەستكردنەوەی ئەو سێ دیلە، دەبێت ئیسڕائیل 90 دیلی فەڵەستینی لە گرتووخانەكان ئازاد بكات.
ئەمڕۆ یەكشەممە كاتژمێر 11:15ی پێش نیوەڕۆ بەفەرمی ئاگربەست لە غەززە لەنێوان بزووتنەوەی حەماس و سوپای ئیسڕائیل كەوتە بواری جێبەجێكردنەوە.
ڤیدیۆ: ساتی بەڕێكردنی سێ دیلە ئیسڕائیلییەكە:-
نقل الرهينات الإسرائيليات الثلاث بسيارات الصليب الأحمر الدولي إلى الجيش الإسرائيلي عبر معبر نتساريم بعد تسلّمهنَّ من "#حماس" pic.twitter.com/R3TDGHM44l
— سلطان الشامري (@alshamri10) January 19, 2025
کۆمێنت (0)
تا ئێستا هیچ کۆمێنتێک نەکراوە.