پارێزگاری هەولێر بەبۆنەی 26 ساڵەی دامەزراندنییەوە، پەیامێكی پیرۆزبایی ئاراستەی (كوردستان تیڤی) كرد و رایگەیاند كە ئەم كەناڵە تا ئەمڕۆ خاوەنی پەیامی ڕوون و پیشەییانەی خۆیەتی.
ئەمەی خوارەوە دەقی پەیامە پیرۆزباییەكەی ئومێد خۆشناو پارێزگاری هەولێرە:-
بەڕێزان/ سەرپەرشتیار و دەستەی کارگێڕی و کارمەند و ڕۆژنامەنووسانی تۆڕی میدیای كوردستان
بەبۆنەی (26)ەمین ساڵیادی دامەزراندنی یەکەمین کەناڵی ئاسمانی کوردی "کوردستان تیڤی"، کە تا ئەمڕۆ خاوەنی پەیامی ڕوون و پیشەییانەی خۆیەتی و ڕۆڵی دیاری لە بەرگرییکردن لە مافە ڕەواکانی گەلەکەمان بینیوە، پیرۆزبایی ئاراستەی ئێوەی بەڕێز و بینەرانتان دەكەین.
ئومێد دەکەین وەک هەمیشە کەناڵەکەتان جێی متمانەی هاووڵاتییان بێت و لە پێناو خزمەتکردنى زیاترى نیشتیمان و پاراستنى بەها باڵاكانی گەلەكەمان و كولتوور و هونەر و وێژە و زمانی كوردی ئەرکى خۆی جێبەجێ بکات.
"جارێکی تر ساڵیادی دامەزراندنی کوردستان تیڤی پیرۆزەبێت"
ئومێد خۆشناو
پارێزگاری هەولێر
2025.1.17
کۆمێنت (0)
تا ئێستا هیچ کۆمێنتێک نەکراوە.