ئەمڕۆ پێنجشه‌ممه 9ی1ی2025، بریاره كاتژمێر 10ی به‌یانی، بۆ جاری سێیەم كۆبوونەوەی شاندی هاوبەشی تەكنیكیی پارتی و یەكێتی له هۆڵی سه‌عد عه‌بدوڵڵا له هه‌ولێر بەڕێوە بچێت .
شاندی دانوستانكاری پارتی پێكدێن لە پشتیوان سادق، دڵشاد شەهاب و ئومێد سەباح، شاندی دانوستانكاری یەکێتیش پێک دێن، لە ڕێواز فایەق، ئامانج ڕەحیم و شاڵاو شێخ سەڵاح. به گوێره‌ی زانیارییه‌كان كه ده‌ست ماڵپه‌ری كوردستان تیڤی كه‌وتووه، سێیەم کۆبوونەوەی هاوبەشی شاندی تەکنیکیی پارتی و یەکێتی لە هەولێر، بۆ گفتوگۆ کردن و نووسینەوەی خاڵە ستراتیجییەکانی کارنامەی چوار ساڵی داهاتووی کابینەی 10یەمی حکوومەتی هەرێمی کوردستان ده‌بێت.
بەپێی زانیارییەکان، ئەمڕۆ بە ڕێژەی سەتا 90 ڕەشنووسەکە ئامادە دەکرێت و هەفتەی داهاتوو دەخرێتە بەردەم شاندی باڵای سیاسیی هەردوولا.
کۆمێنت (0)
تا ئێستا هیچ کۆمێنتێک نەکراوە.