بوومەلەرزەیەک بە گوڕی 6،8 پلە بە پێوەری ڕێختەر ھەرێمی خۆڕێبەری تبت ڕۆژئاوای چینی ھەژاند و بەھۆیەوە 53 کەس گیانیان لەدەستدا و 62ی دیکەش برینداربوون.
ناوەندی تۆڕەکانی بوومەلەرزەی چین (CENC) بڵاوی کردەوە کە کاتژمێر 9ی بەیانی ئەمڕۆ سێشەممە 7ی1ی2025، بوومەلەرزەیەک بە گوڕی 6،8 پلە بە پێوەری ڕێختەر لە ھەرێمی خۆڕێبەری تبت ڕوویداوە.
ڕاشیگەیاندووە کە چەقی بوومەلەرزەکە بە دووری 10 کیلۆمەتر لە ناوچەی تێنگری سەربە شاری شیگاتسی بووە.
ھاوکات ئاژانسی ھەواڵیی شینخوا بڵاو کردەوە کە بوومەلەزرەکە زیانی بە ھەزار باڵەخانە لە ناوچەکە گەیاندووە.
ھەر لەوبارەیەوە دەستەی ڕووپێوی جیۆلۆجی ئەمریکا (USGS)، بڵاویكردوتەوە گوڕی بوومەلەرزەکە 7،1 پلە بە پێوەری ڕێختەر بووە.
کۆمێنت (0)
تا ئێستا هیچ کۆمێنتێک نەکراوە.