سەرلەبەیانی ئەمڕۆ یەكشەممە هێزی پێشمەرگەی كوردستان ئۆپەڕاسیۆنێكی كێوماڵكردنی لە سنووری چیای قەرەچووخ و دەشتاییەكانی كەندێناوە ئەنجام دا.
وەزارەتی پێشمەرگە رایگەیاند "بە مەبەستی دڵنیابوون لە نەهێشتنی مۆڵگە و جموجۆڵی تیرۆریستان لە ناوچەکە، ئەمڕۆ یەكشەممە لیوای 18ی پیادە کاتژمێر 08:00ی بەیانی لە سنوری چیای قەرەچووخ و دەشتاییەکانی کەندێناوە، هەڵمەتێکی گەڕان و پشکنینیان ئەنجام دا".
راشیگەیاند "گومان دەکرا چەکدارانی داعش جموجۆڵیان هەبێت لە ناوچەكانی سنووری چیای قەرەچووخ و دەشتاییەكانی كەندیناوە".
هەروەها رایگەیاند "لە ئۆپەراسیۆنەکەدا تەواوی ناوچەكان کێوماڵ و گەڕان و پشکنینیان بۆ ئەنجام درا".
وەزارەتی پێشمەرگە ئاماژەی بەوەش دا كە ئۆپەڕاسیۆنەكە کاتژمێر 10:00ی پێش نیوەڕۆ کۆتایی هات.
کۆمێنت (0)
تا ئێستا هیچ کۆمێنتێک نەکراوە.