بەرگری شارستانی لەبارەی ئاهەنگەکانی سەری ساڵ ئاگادارییەک ئاڕاستەی هاوڵاتییان دەکات

 سەبارەت بە ئاهەنگەکانی سەری ساڵی نوێ ئاگادارییەک ئاڕاستەی هاوڵاتییان دەکرێت.

بەڕێوەبەرایەتی گشتی بەرگری شارستانی هەرێمی كوردستان، لە ڕاگەیەندراوێکدا  بڵاویكرده‌وه‌، ئەو شوێنانەی ئامادەکارییان بۆ ئاهەنگگێڕان کردووە، دڵنیابن لە بوونی مەرجەکانی بەرگری شارستانی، بە پێچەوانەوە کارەسات روودەدات:

دەقی ڕاگەندراوی بەرگری شارستانی هەرێمی كوردستان:

هاووڵاتی خۆشەویست ..

بۆ سەلامەتیی هەموو لایەک لە ئاهەنگەکانی شەوی سەری ساڵ لەکاتی بەکارهێنانی یاریی ئاگرین تکایە ڕەچاوی ئەم ڕێنماییانەی خوارەوە بکە بۆئەوەی شەوێکی ئارام و دوور لەکارەسات بەسەربەریت.

ڕێنماییەکان:

1-نابێت بەهیچ شێوەیەک منداڵان یاریی ئاگرین بەکاربهێنن.

2-لەناو ئۆتۆمۆبیل و لەکاتی لێخوڕین بەکارهێنانی یاری ئاگرین مەترسیدارە.

3-نابێت لە نزیک باڵەخانە و دار و هەر ماددەیەکی خێرا گڕگڕتوو بەکاربهێنرێت چونکە دەبێتە هۆی ئاگرکەوتنەوە.

4- بەهیچ شێوەیەک لە شوێنی داخراو بەکارناهێنرێت.

5- نابێت لە ژێر تەلەکانی کارەبا بەکاربهێنرێت و مەترسیدارە .

6- لە نزیک تانکی نەوت و بەنزینخانەکان بەکارهێنانی کارەساتی لێ دەکەوێتەوە .

7-لە نزیک مۆلیدەکان بەکارهێنانی مەترسیدارە بەهۆی بوونی تانکی گاز و تەلی کارەبا.

8- ئەو شوێنانەی ئامادەکارییان بۆ ئاهەنگگێڕان کردووە، تکایە دڵنیابن لە بوونی مەرجەکانی بەرگریی شارستانی بە پێچەوانەوە کارەسات ڕوودەدات هاوشێوەی هۆڵەکەی پارێزگای موسڵ.

هەر لە ڕاگەنراوەکەدا ئاماژەیان بەوەداوە، هاوڵاتییان دەتوانن لەهەر بارودۆخێکی نەخوازراودا پەیوەندی بە ژمارە (115) بکەن تاوەکو بە زووترین کات تیمەکانمان بگەنە شوێنی مەبەست.