بەگوێرەی داتاكان، ژمارەی دانیشتووانی جیهان لە ساڵی 2024 نزیكەی 82 ملیۆن كەس زیادی كردووە، زۆرترین رێژەی زیادبوونەكەش لە كیشوەری ئەفریقا بووە.
لە نوێترین راپۆرتی سندووقی ئەڵمانی بۆ دانیشتووانی جیهان هاتووە: پێشبینی كراوە ژمارەی دانیشتووانی جیهان لە مانگی یەكەمی ساڵی 2025 بگاتە 8.156 ملیار كەس.
بڵاویش كراوەتەوە: زۆرترین رێژەی ژمارەی دانیشتووان لە ساڵی 2024 لە كیشوەری ئەفریقیا بووە كە بەگوێرەی دوو ساڵی رابردوو دوو هێندە زیادی كردووە.
دامەزراوە ئەڵمانییەكە هەروەها پێشبینی كردووە لە ساڵی 2037 كۆی گشتی ژمارەی دانیشتووانی جیهان بۆ یەكەمجار بگاتە سەرووی 9 ملیار كەس.
ئاماژەی بەوەشداوە كە لە ساڵی 2024 ژمارەی دانیشتووانی ئەڵمانیا هەروەك خۆی ماوەتەوە كە 84 ملیۆن كەسە.
کۆمێنت (0)
تا ئێستا هیچ کۆمێنتێک نەکراوە.