لەسەر بودجەی وەبەرهێنانی وەزارەتی شارەوانی و گەشتوگوزاری حكوومەتی هەرێمی كوردستان پرۆژەیەكی دروستكردنی ئاوەڕۆ و قیرتاوكردنی چەندین شەقام لە سەنتەری ناحیەی دەركارێ لە سنووری بەڕێوەبەرایەتیی گشتیی شارەوانییەكانی زاخۆ دەستیپێكرد.
گوژمەی ئەو پرۆژەیە (۲٦٦،٥۹۸،۰۰۰) دینارە و لەسەر بودجەی وەبەرهێنانی وەزارەتی شارەوانی و گەشتوگوزاری حكوومەتی هەرێمی كوردستان جێبەجێ دەكرێت. پرۆژەكە پێكهاتووە لە دروستكردنی ئاوەڕۆ و قیرتاوكردنی ژمارەیەك شەقام لە سەنتەری ناحیەی دەركارێ كە بە سەرپەرشتیی بەڕێوەبەرایەتیی گشتیی شارەوانییەكانی زاخۆ جێبەجێ دەكرێت.
جگە لەو پرۆژەیە، ئێستا ژمارەیەك پرۆژەی دیكەی خزمەتگوزاری لە سنووری شارەوانییەكانی ئیدارەی سەربەخۆی زاخۆ و پارێزگەی دهۆك لە قۆناغی جێبەجێكردندان و گەیاندنی خزمەتگوزاری و پرۆژەی نوێیش بەردەوام دەبێت.
کۆمێنت (0)
تا ئێستا هیچ کۆمێنتێک نەکراوە.