ئەمشەو دووشەممە بەهۆی كەوتنەوەی رووداوێكی هاتوچۆ لە نزیك گوندێكی شاری هەولێر، چوار ئەندامی خێزانێك گیانیان لەدەست دا.
پەیامنێری (كوردستان تیڤی) پێی راگەیاندین: كەمێك پێش ئێستا لەسەر رێگای شارەدێی دیبەگە لە نزیك گوندی چەڵتووك لە سنووری پارێزگای هەولێر، رووداوێكی سەختی هاتوچۆ لەنێوان پیكابێك و بارهەڵگرێك رووی دا.
لە ئەنجامی رووداوەكە چوار ئەندامی خێزانێك كە خەڵكی گوندی چەڵتووكن و لەنێو ئۆتۆمبێلی پیكەبەكە بوون، گیانیان لەدەستداوە.
هەرچوار تەرمەكە پێكهاتوون لە كوڕێك و هاوسەرەكەی و دایكی و خوشكێكی، گەیەنراونەتە پزیشكی دادی شاری هەولێر و لێكۆڵینەوەكانیش لەسەر هۆكاری كەوتنەوەی رووداوەكە دەستی پێ كردووە.
کۆمێنت (0)
تا ئێستا هیچ کۆمێنتێک نەکراوە.