دەستەی كەشناسی عێراق بۆ كۆتاهاتنی ئەم شەپۆڵە سەرما و سۆڵەیە، رایگەیاند كە رۆژی پێنجشەممەی داهاتوو كۆتایی دێت.
دەستەی كەشناسی عێراق رایگەیاند: لە سەرلەبەیانی سبەی سێشەممە ئەم شەپۆڵەی سەرما و سۆڵەیەی عێراقی گرتۆتەوە دەگاتە لووتكە.
راشیگەیاند: پلەكانی گەرما لە ناوچەكانی ناوەڕاست و باشووری عێراق تا 1 پلەی سیلیزی دادەبەزێت، بەڵام لە هەرێمی كوردستان پلەكانی گەرما بۆ خوار سفڕی سیلزی دادەبەزێت.
دەستەی كەشناسی عێراق ئاماژەی بەوەش دا كە لە هەندێك ناوچە بەتایبەت لە ناوچەكانی هەرێمی كوردستان دیاردەی شەختە و بەستان دروست دەبێت.
جەختیشی كردەوە كە كاریگەری ئەم شەپۆڵە سەرمایە تا رۆژی پێنجشەممەی داهاتوو بەردەوام دەبێت.
کۆمێنت (0)
تا ئێستا هیچ کۆمێنتێک نەکراوە.