بڕیارە چەند رۆژێكی دیكە بەفەرمی فڕۆكەخانەی دیمەشقی پایتەختی سووریا بكەوێتەوە كار و پێشوازی لە گەشتە ئاسمانییەكان بكاتەوە.
بەهائەدین شەرم وەزیری گواستنەوەی حكوومەتی راگوزەری سووریا رایگەیاند: كاری چاككردنەوە لە فڕۆكەخانەی دیمەشق بە ڕێژەی 90% تەواو بووە.
راشیگەیاند: داوا لە سەرجەم كارمەندانی فڕۆكەخانەی دیمەشق كراوە بگەڕێنەوە سەر كارەكانیان.
هەروەها رایگەیاند: فڕۆكەخانەكە لە ماوەی هەفتەیەكدا بەتەواوی ئامادە دەبێت بۆ پێشوازیكردن لە گەشتە ئاسمانییەكان.
رۆژی یەكشەممە رێكەوتی 8/12/2024 چەكدارانی دەستەی تەحریری شام كۆنتڕۆڵكردنی شاری دیمەشقی پایتەختی سووریایان راگەیاند و بەشار ئەسەد سەرۆكی ئەو وڵاتە بە فڕۆكەیەك بەرەو رووسیا هەڵهات.
کۆمێنت (0)
تا ئێستا هیچ کۆمێنتێک نەکراوە.