ئاماده‌كردنی هه‌واڵ - كه‌مال یوسف
دوای ئه‌وه‌ی له‌گه‌ل ده‌ستپێكی وه‌رزی نوێی خولی یانه پله نایابه‌كانی ئینگلته‌را ئه‌نجامه‌كانی یانه‌ی مانچسته‌ر یونایتد وه‌كو پێویست نه‌بوو ، بۆیه یانه‌كه ئیریك تیم هاگی راهێنه‌ره هۆله‌ندیه‌كه‌ی له پۆسته‌كه‌ی دوور خسته‌وه ، به‌شێوه‌یه‌كی كاتی ئه‌ركه‌كه‌ی به رۆد ڤان نێسته‌ر رۆی یاریزانه دێرینه‌كه‌ی خۆی به‌خشی ، دواتر یانه‌كه له‌سه‌ره‌تای ئه‌م مانگه‌وه بۆندی له‌گه‌ل راهێنه‌ری پرتوگالی رۆبن ئامۆریم واژوو كرد ، به‌لام ئه‌مه‌ش هانده‌رانی یانه‌كه‌ی دلخۆش نه‌كرد بۆیه سه‌رچاوه‌كانی هه‌والی ئینگلته‌را ئه‌وه‌یان بلاو كرده‌وه كه ده‌سته‌ی كارگێری یانه‌كه قسه‌یان له‌گه‌ل سێر ئەلێکس فێرگسۆن كردووه تا جارێكی دیكه بگه‌رێته‌وه‌و ئه‌ركی راهێنه‌رایه‌تی یانه‌كه له ئه‌ستۆ بگرێت.
لای خۆیه‌وه فێرگسۆن ڕاهێنەری ئەفسانەیی یانەی مانچستەر یونایتد، ڕەتیدەکاتەوە هیچ قسەیەک لەسەر گەڕانەوەی بۆ سەرکردایەتی یانەکەی هەبێت، دووپاتیکردەوە کە کاتەکانی لە ئۆڵدترافۆرد کۆتایی هاتووە.
فێرگسۆن کە بۆ ماوەی 26 ساڵ سەرکردایەتی تیپەکەی کردووە و 38 نازناویشی له‌گه‌ڵ بەدەستهێناوە، دووپاتیکردەوە کە لە ئێستادا سەرنجی لەسەر چێژوەرگرتنە لە وازهێنان و بەسەربردنی کات لەگەڵ خێزانەکەی.
سەرەڕای ئەو تەحەددایانەی ئێستا یانەکە ڕووبەڕووی بۆەتەوە،به‌ڵام فێرگسۆن لەسەر بڕیارەکەی خۆی جێگیره‌و دەستوەردان ناکات له یانه‌كه .
ئەم لێدوانانە ڕەنگدانەوەی کەسایەتی بەهێزی فێرگسۆنه‌و ئەو باوەڕی بە توانای یانەکە هه‌یه بۆ چاکبوونەوەو رزگار بوون لە قەیرانەکان بەبێ ئەوەی پێویستی بە یارمەتی ئه‌و هەبێت.
شایه‌نی باسه دوای تێپه‌ر بوونی 15 گه‌ر له یاریه‌كانی ئه‌م وه‌رزه‌ی پرێمه‌ر لیگ یانه‌ی مانچسته‌ر یونایتد به كۆكردنه‌وه‌ی 19 خاڵ له پله‌ی 13ی ریزبه‌ندی دێت .
کۆمێنت (0)
تا ئێستا هیچ کۆمێنتێک نەکراوە.