دوای ئەوەی سەرلەئێوارەی ئەمڕۆ پێنجشەممە دەستەی تەحریری شام و گرووپە چەكدارەكانی دیكە بەتەواوی شاری حەمایان لە ناوەڕاستی سووریا كۆنتڕۆڵ كرد، كەمێك پێش ئێستا شارێكی دیكەی سووریا بەبێ شەڕ و رووبەڕووبوونەوە خۆی بەدەستەوە دا و كەوتە دەست گرووپە چەكدارەكان.
ئەو شارەی خۆی بەدەستەوەداوە ناوی (سەلمییە)یە و دەكەوێتە دووری 30 كیلۆمەتر لە رۆژهەڵاتی شاری حەما، ئەویش شارێكی ستراتیژییە لە رووی سەربازییەوە.
لەماوەی چەند رۆژێكی كەم دوو شاری گەورەی سووریا كە حەلەب و حەمان كەوتنە ژێر كۆنتڕۆڵی دەستەی تەحریری شارم و گرووپە چەكدارەكان.
گرووپە چەكدارەكان ئێستا ئامادەكاری دەكەن بۆ پێشڕەوی و بەڕێكەوتن بەرەو شاری حمس كە تەنیا 165 كیلۆمەتر لە دیمەشقی پایتەختی سووریا دوورە.
کۆمێنت (0)
تا ئێستا هیچ کۆمێنتێک نەکراوە.