كۆمكاری عەرەبی: جەخت لە پێویستی ڕێزگرتن لە یەکپارچەیی خاکی سووریا دەکەینەوە

 کۆمکاری عەرەبی بەیاننامەیەکی سەبارەت بە دوایین پێشهاتەکانی سووریا بڵاوکردەوە.

کۆمکاری عەرەبی لە به‌یاننامه‌كه‌یدا ڕایگه‌یاندووه‌، بە نیگەرانییەکی زۆرەوە بەدواداچوون بۆ پێشهاتەکانی سووریا ده‌كه‌ین، هەروەها جەخت لەسەر پێویستی ڕێزگرتن لە یەکڕیزی و سەروەری و یەکپارچەیی خاکی سووریا دەکاتەوە. 

ئەحمەد ئەبول غه‌یس، سکرتێری گشتیی كۆمكاری عه‌ره‌بی زه‌نگی ئاگاداركردنه‌وه‌ی سه‌باره‌ت به‌و شه‌ڕ و هێرشه‌ی سووریا لێدا و گوتی، ئه‌گه‌ری زۆره‌ چالاكییه‌ تیرۆریستییه‌كان ده‌ستپێبكاته‌وه‌ به‌ كه‌وتنی پارێزگای حه‌له‌ب و حه‌ما. 

له‌لایه‌كی تره‌وه‌، فەرماندەیی گشتیی سوپا و هێزە چەکدارەکانی سووریا بڵاویكرده‌وه‌، پرۆسەی ڕووبەڕووبوونەوەی هێرشە تیرۆریستییەکە بە هەموو سەرکەوتن و ئیرادەیەکەوە بەردەوامە و بەم زووانە دەچینە بەر هێرشی بەرپەرچدانەوە بۆ وەرگرتنەوە و ڕزگارکردنی هەموو ناوچەکان. 

هاوكات ناوەندی ڕووسیا بۆ ئاشتەوایی نێوان لایەنە شەڕکەرەکان لە سووریا، كوژرانی لانیکەم سێ سه‌د چەکدار لە پارێزگاکانی حەلەب و ئیدلب لە باکوری ئه‌و وڵاته‌، بە هاوکاری هێزەکانی سووریا ڕاگەیاند.