ئابووریی ئەمریکا لە چارەکی سێیەمی ئەمساڵدا، بەڕێژەی لەسەدا 2.8 وەک ئەوەی پێشبینی بۆ کرابوو، گەشەی سەندووە.
وەزارەتی بازرگانی ئەمریکا داتای کۆتایی لەبارەی تێکڕای بەرھەمی ناوخۆیی لە مانگەکانی تەممووز-ئەیلوولی 2024ی بڵاوکردەوە و بەم پێیە ئابووری لە چارەکی سێیەمی ئەمساڵدا بە ڕێژەی لەسەدا 2.8 گەشەی کردووە.
ئەو داتایە لە کاتێکدایە کە ئابووری ئەمریکا ساڵی ڕابردووش لە هەمان قۆناغدا 2.8 گەشەی کردبوو.
ئابووری ئەمریکا لە چارەکی یەکەمی ئەمساڵدا بە ڕێژەی لەسەدا 1.4 و لە چارەکی دووەمدا بە ڕێژەی لەسەدا 3 گەشەی کردووە.
گەشەی ئابووری ئەمریکا لە چارەکی سێیەمی ئەمساڵدا لە ژێر کاریگەری زیادبوونی خەرجییەکانی بەکاربەر، هەناردەکردن، خەرجییەکانی حکوومەتی فیدراڵی و وەبەرهێنانە جێگیرەکانی جگە لە نیشتەجێبوون بووە.
کۆمێنت (0)
تا ئێستا هیچ کۆمێنتێک نەکراوە.