وەزیرارەتی خوێندنی باڵا و توێژنەوەی زانستی جەختی كردەوە، تەواوی قوتابیانی كەركووك و شەنگال و خانەقین و ناوچەكانی دەرەوەی ئیدارەی هەرێم لە زانكۆكانی هەرێمی كوردستان وەرگیران كە ژمارەیان نزیكەی هەزار قوتابی بوو.
لەمبارەیەوە ئارام محەمەد قادر وەزیری خوێندنی باڵا دوای پیرۆزباییكردن لە قوتابییە وەرگیراوەكان، رایگەیاند: چەندین ساڵە کارئاسانى تەواومان کردووە بۆ وەرگرتنى قوتابیانى ناوچەكانی دەرەوەى ئیدارەى هەرێمى کوردستان، بەتایبەت ئەو قوتابیانەى لە قوتابخانە کوردییەکان دەخوێنن بۆ ئەوەى دەرفەتى خوێندنیان بۆ بڕەخسێنین لە زانکۆکانى هەرێمى کوردستان.
وەزارەتى خوێندنى باڵا داواشی لە سەرجەم وەرگیراوان كرد دواى دۆزینەوەى شوێنى وەرگرتنیان لە وێبسایتى ڕێگەى زانکۆ (regayzanko.com)، پەیوەندى بە بەش و کۆلێژەکانیان بکەن بەمەبەستى ئەنجامدانى مامەڵەى دەستبەکاربوون لە زانکۆ و پەیمانگەکان لە هەرێمى کوردستان.
کۆمێنت (0)
تا ئێستا هیچ کۆمێنتێک نەکراوە.