لە چوارچێوەی پلانی شارەوانی بەمەبەستی پەرەپێدانی پڕۆژە خزمەتگوزارییەكان لە بواری دروستكردن و نۆژەنكردنەوەی شەقامەكان، گەورەپڕۆژەی دروستكردنی دووسایدی دارەتووی كۆن و نوێ جێبەجێ دەكرێت.
ئەو پڕۆژەیە یەكێكە لە گەورەپڕۆژە خزمەتگوزارییەكانی سنووری سەرۆكایەتیی شارەوانیی دارەتووی سەر بە بەڕێوەبەرایەتیی گشتیی شارەوانییەكانی هەولێر، پێشتر بەردی بناغەی پڕۆژەكە لەلایەن ساسان عەونی، وەزیری شارەوانی و گەشتوگوزارەوە دانرا.
لە ئێستادا كاری دانانی قاڵبی کربستۆن بە درێژیی (4 كیلۆمەتر) بۆ ئەو شەقامە سەرەكییە دەكرێت و لە قۆناغی دواتردا پرۆسەی قیرتاوكردنی دووسایدەكە دەستپێدەكات، بە تەواوبوونی وێڕای ئەوەی سیمایەكی جوانتر بە شارەوانییەكە دەبەخشێت، هاوكات دەبێتە هۆی ئاسانكارییەكی باش بۆ هاتوچۆی هاووڵاتییان و شۆفێران.
کۆمێنت (0)
تا ئێستا هیچ کۆمێنتێک نەکراوە.