سیستەمی سکاڵای هاووڵاتییان، لە 3ی ئابی 2023 کەوتە کار؛ هاووڵاتییان دەتوانن لە ڕێگەی پێگەی CCS.DIGITAL.GOV.KRD سکاڵاکانیان بگەیەنن و بەدواداچوون بۆ سکاڵاکانیان دەکرێت.
مەهدی ئاژگەیی، بەڕێوەبەری کاروباری سکاڵای هاووڵاتییان لە سەرۆکایەتیی ئەنجومەنی وەزیران، بە فەرمانگەی میدیا و زانیاریی گوت: "هەموو هاووڵاتییەك دەتوانێت لە ڕێگەی سیستەمی سکاڵای هاووڵاتییان، سکاڵاکانیان پێشکەش بکەن و پاشان لایەنی پەیوەندیدار بە پێی یاسا بڕیاری لەسەر دەدات".
سیستەمەکە ئەنجومەنی وەزیران و وەزارەتەکان بەیەکەوە دەبەستێتەوە و بە هەماهەنگی کێشەکانی خەڵک چارەسەر دەکرێت.
تا ئێستا هەزار و 155 سکاڵا لەم سیستەمە لە لایەن هاووڵاتییانەوە تۆمار کراون و زۆربەیان چارەسەر کراون.
کابینەی نۆیەم کاری لەسەر بەهێزکردنی متمانەی خەڵک و حکومەت کردووە و یەکێک لە هەنگاوەکانیشی، دانانی سیستەمی سکاڵای هاووڵاتییان بووە.
کۆمێنت (0)
تا ئێستا هیچ کۆمێنتێک نەکراوە.