پێش نیوەڕۆی ئەمڕۆ هەینی بوومەلەرزەیەكی بەهێز پارێزگای مەلاتێ لە وڵاتی توركیا هەژاند و خەڵكی بەهۆی ترس و زۆری ماوەی بوومەلەرزەكە ماڵەكانیان جێهێشتووە.
بەگوێرەی زانیارییەكانی فەرمانگەی كارەسات و باری لەناكاو (ئافاد) هێزی بوومەلەرزەكە 4.9 پلەی رێختەر بووە و لە قوڵایی 7 كم لە ژێر زەوییەوە دروستبووە.
بوومەلەرزەكە ماوەی زیاتر لە 20 چركە بەردەوامی هەبووە، بەهۆیەوە ترسی لای خەڵك دروستكردووە و ماڵەكانیان جێهێشتووە.
جگە لە پارێزگای مەلاتێ، خەڵكی هەریەك لە ناوچەكانی غازی عەنتاب، ئورفا، كەهرەمان، ئەدیامان و ناوچەكانی دەوروبەری هەستیان بە بوومەلەرزەكە كردووە.
تا ئێستا بوونی زیانی گیانی و ماددی لە ئەنجامی بوومەلەرزەكە تۆمار نەكراوە.
کۆمێنت (0)
تا ئێستا هیچ کۆمێنتێک نەکراوە.