وەزارەتی کارەبای حکوومەتی هەرێمی كوردستان ڕایگەیاندووە، تیمەکانی کارەبا لە چوارچێوەی پرۆژەی ڕووناکی، سەرقاڵی جێبەجێکردنی پلان و کاری پێویستن بۆ دابینکردنی کارەبای بیست و چوار کاتژمێری بۆ گەڕەکی سەربەستیی 32ی پارک لە سەنتەری شاری هەولێر.
دەشڵێت دانیشتوانی گەڕەکەکە دڵنیا دەکەینەوە لە ماوەیەکی نزیکدا، کارەباکەیان دەبێتە بیست و چوار کاتژمێری و لە پچڕانی بەردەوامی کارەبا ڕزگاریان دەبێت.
هەروەها ئاگاداری ئەوەشی کردوونەوە، لە ماوەی جێبەجێکردنی پڕۆژەکە بۆ دابینکردنی کارەبای 24 کاتژمێری، کارەبای گەڕەکەکە تووشی هەندێ پچڕانی کاتی دەبێت، بۆ ئەوەی تیمەکانی کارەبا بتوانن کارەبای بیست و چوار کاتژمێری بگەیەننە گەڕەکەکە، سوپاسی هاوکاری و تێگەیشتنیان دەکەین.پرۆژەی ڕووناکی، پرۆژەیەکی کابینەی نۆیەمی حکومەتی هەرێمی کوردستانە بۆ دابینکردنی کارەبای بیست و چوار کاتژمێری لە هەموو کوردستان.
کۆمێنت (0)
تا ئێستا هیچ کۆمێنتێک نەکراوە.