بۆ چاره‌سه‌ركردنی كێشه‌ی مووچه‌ی مانگی ئۆكتۆبه‌ری ئه‌مساڵ، شاندێكی ته‌كنیكی وه‌زاره‌تی داراییی هه‌رێمی كوردستان له به‌غدایه.
په‌یامنێری كوردستان تیڤی له به‌غدا رایگه‌یاند، ماوه‌ی 2 رۆژه شاندێكی ته‌كنیكی وه‌زاره‌تی دارایی له‌به‌ر كێشه هه‌ڵپه‌سێردراوه‌كانی مووچه و پرسی سه‌رژمێری گشتیی له به‌غدایه.
هه‌روه‌ها گوتیشی، ئامانجی سه‌ردانی شاندی هه‌رێم بۆ به‌غدا چاره‌سه‌ركردنی كێشه‌ی مووچه‌ی مانگی ئۆكتۆبه‌ری فه‌رمانبه‌رانی هه‌رێمی كوردستان و تاوتوێكردنی پرسی سه‌رژمێری گشتییه. هاوكات هه‌فته‌ی رابردوو وه‌زاره‌تی داراییی حكوومه‌تی عێراق رایگه‌یاندبوو، لیستی مووچه‌ی مانگی تشرینی یه‌كه‌می فه‌رمانبه‌رانی هه‌رێمی كوردستان گه‌یشتووه‌ته به‌غدا و به‌گوێره‌ی زانیارییه‌كانی په‌یامنێری كوردستان تیڤی له به‌غدا وردبینی له لیسته‌كه ده‌ستیپێكردووه.
کۆمێنت (0)
تا ئێستا هیچ کۆمێنتێک نەکراوە.