ئەمڕۆ هەینی نرخی نەوت لە بازاڕەكانی جیهان بەرزبوونەوەی بەخۆیەوە بینی، بەهەمانشێوە نرخی نەوتی بەسڕەی عێراقیش رووی لە هەڵكشان كرد.
سەرلەبەیانی ئەمڕۆ هەر بەرمیلێك نەوتی خاوی برێنت لە بازاڕەكانی جیهان گەیشتە 74.27 دۆلاری ئەمەریكی، بەهەمانشێوە نرخی نەوتی خاوی تێكساسی ئەمەریكیش بۆ 70.75 دۆلار بۆ هەر بەرمیلێك بەرزبووەوە.
بەگوێرەی زانیارییەكانی وەزارەتی نەوتی عێراق، ئەمڕۆ هەینی هەر بەرمیلێك نەوتی خاوی سووكی بەسڕە بە 71.07 دۆلاری ئەمەریكی مامەڵەی پێوەكراوە.
ئەم بەرزبوونەوەیەی نرخی نەوت بەهۆی بەردەوامی ئاڵۆزییەكانە لە رۆژهەڵاتی ناوەڕاست و هەروەها نزیكبوونەوەیە لە وەرزی سەختی زستان.
کۆمێنت (0)
تا ئێستا هیچ کۆمێنتێک نەکراوە.