بەڕێوەبەرایەتیی گشتیی ئاسایشی هەولێر دەستی بەسەر کۆمپانیایەکی ساختەکردنی پاتریی ئۆتۆمبێلدا گرت.
بەڕێوەبەرایەتیی گشتیی ئاسایشی هەولێر له راگه‌یه‌ندراوێكدا رایگه‌یاند، "دواى بەدەستگەیشتنى زانیارى و بەڵگە و چاودێریکردنی تیمەکانی بەڕێوەبەرایەتی ئاسایشی ئابووریی سەر بە بەڕێوەبەرایەتیی گشتیی ئاسایشی هەولێر، لەسەر کۆمپانیای (ریال كینگ) بۆ فرۆشتنی پاتریی ئۆتۆمبێل، دەرکەوت کە کۆمپانیای ناوبراو، پاتریی ئۆتۆمبێل لە ئێران و تورکیاوە هاوردە دەکات، دواتر پاترییەکان لەناو کۆگایەک لە نزیک شاری هەولێر، بە ستیکەری کۆمپانیاکانی تر دەستکاری و ساختە دەکات و ژمارەی ئەمپێرەکانی سەر پاترییەکان زیاد دەکات.
هەروا لە ڕاگەیانراوەکەدا ڕوون کراوەتەوە تەزووی پاترییەکان لە25 بۆ 30 ئەمپێری کراوەتە 60 ئەمپێری و زیاتر لە 20 هەزار دانەی ئەم پاتریانەیان لە بازارەکانی هەرێمی کوردستان ساخ کردووتەوە.
لە ئەنجامى پێشکەشکردنى زانیاری و بەڵگەکان بۆ دادوەرى لێکۆلینەوەى ئاسایش فەرمانى دەستگیرکردن و گرتنەبەرى ڕێکارە یاساییەکان دەرچوو و خاوەن کۆمپانیاکە بەناوی ( ک . و . ج) و کرێکارێکی بیانی بەناوی (ڤ . چ . چ) کە دەستیان لەم ساختەکاریەدا هەبوو، دەستگیر کراون و پەڕاوى لێکۆڵینەوەیان بۆ کراوەتەوە، هەروەها دەست بەسەر یازده هەزار دانە پاتریدا گیراوە.
کۆمێنت (0)
تا ئێستا هیچ کۆمێنتێک نەکراوە.