ئەو منداڵە 3 ساڵانە دۆزرایەوە كە سەرەتا دەگوترا كەوتۆتە نێو ئاوەڕۆی كەندی دیانا لە ئیدارەی سەربەخۆی سۆران.
بەرگریی شارستانی سۆران بڵاوی كردەوە: دوای ئەوەی بەرەبەیانی ئەمڕۆ سێشەممە ئاگادار کراینەوە بە ونبوونی مداڵێکی تەمەن سێ ساڵان لە شارەدێی دیانا، ڕاستەوخۆ چوار تیم دەرچوون بۆ شوێنی ونبوونەکە.
بڵاویشی كردەوە: دوای گەڕانێکی بەردەوامی چەند کاتژمێرک، دواجار لەلایەن تیمەکانمان لە گەرەکی برایەتی دۆزرایەوە و پاشان ڕادەستی خانەوادەکەی کراوە.
هەروەها بڵاوی كردەوە: لە سەرەتادا لەلایەن باوکییەوە ڕاگەیاندرا کەوا منداڵەکە کەوتۆتە نێو ئاوەڕۆیەکانی کەندی دیانا.
بەرگریی شارستانی سۆران ئاماژەی بەوەش دا: دوای دڵنیابوون لە نەبوونی لەو شوێنە، هەڵساین بە ئاگادارکردنەوەی بەرێوەبەرایەتی بەشی نەهێشتنی تاوانی سۆران بۆ سەیرکردنی کامێرەکانی نزیک شوێنەکە، دوای ئەوەی بەتەواوی دڵنیاکراینەوە کەوا منداڵەکە نەکەوتۆتە نێو ئاوەڕۆوە و بەرەو گەڕەکی برایەتی بە پایسکیل دەڕوات و لە وێشەوە دەچێتە پێش دوکانێک، هۆشیاری خاوەن دوکانەکە وا دەکات منداڵەکە لەلای خۆی بهێلێتەوە و دواجار لەلایەن تیمەکانمان دۆزرایەوە.
کۆمێنت (0)
تا ئێستا هیچ کۆمێنتێک نەکراوە.