ئەمڕۆ پێنجشەممە مزگێنییەكی دیكە لە سەرۆكی حكوومەتی هەرێمی كوردستانەوە بۆ هاووڵاتییان راگەیەنرا ئەویش كەمكردنەوەی باجی تۆمارکردن و بەناوکردنی خانووبەرەیە.
ماڵپەڕی حكوومەتی هەرێم بڵاوی كردەوە: ئەمڕۆ پێنجشەممە مەسرور بارزانی سەرۆکی حکوومەتی هەرێمی کوردستان ڕەزامەندیی دا لەسەر کەمکردنەوەی باجی مامەڵەی بەناوکردنی خانووبەرە و گۆرینی خاوەندارێتی.
بڵاویشی كردەوە: كەمكردنەوەكە لە ڕێژەی 3% بۆ ڕێژەی 1% لە بەهای خانووبەرە و زەوی دەبێت.
هەروەها بڵاوی كردەوە: ئەم بڕیارەی سەرۆكی حكوومەت بە ئامانجی کەمکردنەوەی بارگرانیی سەرشانی هاووڵاتییان و ئاسانکاری لە ڕاییکردنی کاروباری بەناوکردنی موڵکەکانیانە.
کۆمێنت (0)
تا ئێستا هیچ کۆمێنتێک نەکراوە.