لە پێنج ساڵی كابینەی نۆیەمدا نزیكەی 28 هەزار هەلی كار لە پرۆسەی كۆكردنەوەی خاشاكدا بۆ هاونیشتمانیان ڕەخسێندراوە

- گوژمەی زیاتر لە 660 ملیار دینار بۆ كۆكردنەوەی خاشاك خەرج كراوە
- نزیكەی 28 هەزار هەلی كار لە پرۆسەی كۆكردنەوەی خاشاكدا بۆ هاونیشتمانیان ڕەخسێندراوە 
- ڕۆژانە 9 هەزار و 200 كەس وەک هێزی کار بەشدارن لە پرۆسەی کۆکردنەوەی خاشاکدا
.
بەپێی ڕاپۆرتێكی وەزارەتی شارەوانی و گەشتوگوزار تەنیا لە ماوەی پێنج ساڵی كابینەی نۆیەمی حكوومەتی هەرێمی كوردستاندا، لەسەر ئاستی سەرجەم شار و شارۆچكەكانی هەرێمی كوردستان، زیاتر لە (660 ملیار دینار) بۆ كۆكردنەوەی خۆڵ و خاشاك خەرج كراوە و ڕۆژانە زیاتر لە 2700 ئامێری مامناوەند و قورس كار لەو پرۆسەیەدا دەكەن و نزیکەی 28 هەزار هەلی کاریش لەو بوارەدا بۆ هاووڵاتییان ڕەخسێندراوە.
بەپێی ڕاپۆرتەكەی وەزارەتی شارەوانی و گەشتوگوزار، ئێستا بڕی خاشاکی کۆکراوە لە ڕۆژێكدا 6 هەزار و 829 تۆنە و بڕی خاشاکی دروست بوو بۆ هەر تاکێک لە ڕۆژێکدا بە نزیکەی (١١,١) کگم دەخەمڵێندرێت.
بەپێی ڕاپۆرتەكە، وه‌زاره‌تی شارەوانی و گەشتوگوزار پڕۆژه‌کانی خاوێنکردنه‌وه‌ و کۆکردنه‌وه‌ و گواستنه‌وه و داپۆشینی  خاشاکی بۆ 36 زۆنی کۆکردنەوە دابەشکردووە كە ڕۆژانە 9 هەزار و 200 كەس وەک هێزی کار بەشدارن لە پرۆسەی کۆکردنەوەی خاشاکدا. 
هەروەك لە ڕاپۆرتەكەی وەزارەتی شارەوانی و گەشتوگوزاردا هاتووە: تەنیا لە ماوەی پێنج ساڵی کابینەی نۆیەمی حكوومەتی هەرێمی كوردستان، نزیکەی 28 هەزار هەلی کار لە بواری كۆكردنەوەی خاشاكدا بۆ هاووڵاتییان ڕەخسێندراوە.