دیدارەكێ دا د. ئەحمەد قاسم محەمەد سەرۆكێ لژنەیا ئۆلمپی تایێ دهۆك و كەسانێ دیار وەرزشی ل پارێزگەها دهۆكێ پشتەڤانییا خوە و ئەندامێن لژنەیێ و فدراسیۆنێن وەرزشی ل پارێزگەهێ بۆ لیستەیا 190 یا پارتی دیموكراتی كوردستان دۆپاتكر و گۆت: هەردەم پارتی پشتەڤانێ وەرزشێ و وەرزشڤانان بوویە لەوما ژی دەنگێ مە دێ هەر بۆ لیستەیا مە بیت ئەو لیستە یا ئاڤەدانكرنێ و خۆراگریێ یە.
زێدەتر ناڤهاتی بۆ رۆژنامەیا ئەڤرۆ گۆت: كەرتێ وەرزشێ ل پارێزگەها دهۆكێ پێنگاڤێن باش و مەزن هاڤێژتینە و ب خوەڤەگرتیە تایبەت د كابینا نەهێ یا ژلایێ جەنابێ مەسرۆر بارزانی سەرۆكێ حكومەتا هەرێما كوردستانێ، پێنەڤێت ئەڤە ژی وەكو بەرنامەیێ پارتی بوویە كو وەرزش بەر ب پێشڤە بچیت و زێدەتر وەرزشڤان رۆلێ خوە ببینن د هەر خول و قارەمانیەكێ دا، دیسان گرنگییەكا تایبەت بۆ ژێرخانەیا وەرزشی هاتییە دان و بەلگەژی دیارن، چەندین یاریگەهێن مۆدرێن و هۆلێن وەرزشی، دیسان پشتەڤانییا بەردەوام یا دارایی و مەعنەوی بۆ یانەیێن كوردستانێ، هەروەسان خەلاتكرنا ئەوان وەرزشڤان و یاریزانێ رێزێن پێشیێ ل سەر ئاستێ ئێراقێ، ئاسیا و نێڤدەولەتی دەسڤەئیناین، دیسان پووتەدانا بەردەوام ل سەر ڕاسپاردا سەرۆكێ حكومەتێ بۆ هەموو یانە و فدراسیۆنێن وەرزشی ل پارێزگەهێن كوردستانێ، ئەڤە هەموو ژی ژ ڤالاتی نە هاتییە بەلكو پلانێن ئاڤەدانكرنێ و پێشكەفتنێ نە، لەوما ژی پارتی گەرەنتییا پێشكەفتنا وەرزشێ و كوردستانێ یە.
ژلایەكێ دووڤە د. ئەحمەد قاسم محەمەد ئەوچەندە ژی گۆت: د دەمەكی دا كاودانێن دارایی یێن كوردستانێ د نەخوەش بوون ژبەر شەڕێ دژی داعش و هاتنا ئاوارەیان و دووڤدا پەتایێ كۆرۆنایی، لێ ل سەر ڕاسپاردا سەرۆكێ حوكمەتێ و پشتەڤانییا پارتی ل دووڤ شیانان مە بەردەوامی دا ب چالاكییان و مە نەهێلا وەرزش ئێكجاری ب كەڤیت، وەكو لژنەیا ئۆلمپی تایێ دهۆك دگەل پرانییا فدراسیۆنێن وەرزشی ئەم بەردەوام بووین ئەڤە ژی هەموو خۆڕاگرییا حوكمەتا هەرێمێ بوو، سەرباری گەلەك بەرنامە و پیلان هاتبوونە دانان كو قەوارەیێ هەرێما كوردستانێ بهێتە لاوازكرن لێ ئەوان هەموویان شكەستن ئینا، تایبەت ئەو لایەنێن دگەل حكومەتا بەغدا دژاتییا وەرزشا كوردستانێ دكرن ب هەموو ڕەنگان.
ناڤهاتی ئەو چەندە ژی گۆت: د درێژاهییا ڤان سالێن بۆری دا ب پشتەڤانییا سەرۆكێ حوكمەتا هەرێما كوردستانێ رێزدار مەسرۆر بارزانی پارێزگەها دهۆكێ شیایە چەندین قارەمانیێن مەزن ل سەر ئاستێ ئیراقێ و نێڤدەولەتی مێڤان بكەت، هەروەسان چەندین یاریزانێن مە بووینە خودان ناسناڤێن ئیراقی و دەرڤە بۆ یاریێن جودا زێدەباری هەبوونا تیمێن هەردو یانەیێن دهۆك و زاخۆ یێن فوتبۆلێ دناڤ خولا ستێرێن ئیراقێ دا وەكو دو تیمێن ب هێز و هەڤڕك و دەربازبوونا تیما دهۆكێ بۆ قارەمانییا كۆپا كەنداڤی، لژنەیا ئۆلمپی ژی بڕێیا فدراسیۆنێن پارێزگەهێ كۆمەكا مەزن یا چالاكییان ئەنجامداینە، لەوما ژبۆ سەرفەرازییا وەرزشڤانان و بەردەوامییا پێشكەفتنا وەرزشێ ل كوردستانێ و پارێزگەها دهۆكێ ب تنێ لیستا 190 یا پارتی دیموكراتی كوردستان كەرەنتییە بۆ بەردەوامییا پێشكەفتنێ و زێدەتر پێشئێخستنا ژێرخانەیا وەرزشی.
ل دووماهیێ سەرۆكێ لژنەیا ئۆلمپی تایێ دهۆكێ داخوازێ ژ هەموو وەرزشڤانێن دێرین، یاریزان، یانەیێن وەرزشی، فدراسیۆن و راهێنەر و دادڤان و هەموو خەلكێ پارێزگەها دهۆكێ كر ل 20ێ ڤێ مەهێ بەر ب سندۆقێن دەنگدانێ بچن و ب تنێ دەنگی بدەن لیستا 190 یا پارتی و بەربژارێن وێ بدەن ژبۆ كوردستانەكا ب هێز و ژێرخانەیا وەرزشی یا بەردەوام ئاڤەدانكری، پارتی خودان هێزە و بتنێ ئەو دشێت كوردستانێ بەر ب پێشڤە ببەت هەر وەكو دیار د كابینا نەهێ یا حوكمەتا هەرێما كوردستانێ و گەشبینن ب سەرۆكاتییا پارتی دێ د كابینا دەهێ دا ژی دا پێشكەفتن و پشتەڤانییا باشتر هەبیت.
سەرۆكێ لژنەیا ئۆلمپی تایێ دهۆك: هەردەم پارتی پشتەڤانێ وەرزشڤانان بوویە لەوما دەنگێ مە بۆ لیستەیا 190 یا ئاڤەدانیێ یە
100%
کۆمێنت (0)
تا ئێستا هیچ کۆمێنتێک نەکراوە.