تەواوكاریی مووچەی فەرمانبەرانی هەرێمی كوردستان بۆ مووچەی مانگی هەشت ڕەوانە دەكرێت

 تەواوكاریی مووچەی فەرمانبەرانی هەرێمی كوردستان بۆ مووچەی مانگی هەشت ڕەوانە دەكرێت.

ماڵپەڕی  "بەغداد الیوم" لە زاری سەرچاوەیەكی وەزارەتی دارایی عێراق ڕایگەیاندووە،  بەڵێنی ناردنی تەواوكاریی مووچە دراوە و  سبه‌ی یه‌كشه‌ممه‌ 28ی9ی2024، پارەی پێویست بۆ مووچەی مانگی هەشت ڕەوانە دەكرێت.

سەرچاوەكە ئاماژەی بەوەش داوە، سبەی   تەواوی ئەو بڕە پارەیەی كە ماوە بۆ مووچەی مانگی هەشت ماوە، رەوانە دەكرێت.

رۆژی پێنجشەممه‌ی 9هه‌فته‌ی ڕابردووة وەزارەتی دارایی و ئابووری حكوومەتی هەرێمی كوردستان ڕایگەیاند، شاندی وەزارەتی دارایی هەرێمی كوردستان، لیستی مووچەی مانگی ئاب و ئەیلوولیان بەبێ كەموكوڕی و بەو شێوازە پێشكەش كرد كە وەزارەتی دارایی حكوومەتی فیدراڵ دواین جار داوای كردبوو.

وەزارەتی دارایی حكوومەتی هەرێمی كوردستان باسی لەوەش كردووه‌، بۆ پڕكردنەوەی ئەو كورتهێنانەی بۆ مووچەی مانگی ئاب دروست بووە كە بڕەكەی  243 ملیار دینارە، لەگەڵ گەیشتنی گوژمەی تەواوكاری لەلایەن وەزارەتی دارایی حكوومەتی فیدراڵییەوە، دەست بە دابەشكردنی مووچە دەكرێت