وەزارەتی دارایی و ئابووری لیستی مووچەی مانگی حوزەیران (مانگی شەش)ی فەرمانبەرانی هەرێمی كوردستانی راگەیاند و بەگوێرەی خشتەكە، سبەی چوارشەممە بە دابەشكردنی مووچەی مووچەخۆرانی وەزارەتی تەندروستی دەست پێ دەكرێت.
وەزارەتی دارایی و ئابووری رایگەیاند: خشتەی دابەشکردنی مووچەی فەرمانبەرانی هەرێمی کوردستان بۆ مانگی حوزەیران لە رۆژی چوارشەممە ڕێکەوتی 10/7/2024 دەست پێ دەكرێت.
راشیگەیاند: سبەی چوارشەممە بە دابەشكردنی مووچەی فەرمانبەرانی وەزارەتی تەندروستی دەست بەدابەشکردنی مووچەی مانگی حوزەیران دەکرێت.
هەروەها رایگەیاند: ڕۆژی پێنجشەممە 11/7/2024 بە سەرۆکایەتی ئەنجوومەنی وەزیران کۆتایی بە دابەشكردنی مووچە دێت.
وەزارەتی دارایی ئاماژەی بەوەش دا: وەزارەتی کارەبا و سەرۆکایەتی پەرلەمان لەخشتەکەدا نییە، لەبەر ئەوەی تەمویلەکەیان لەبەغداوە نەهاتووە.
جەختیشی كردەوە كە لەگەڵ وەزارەتی دارایی عێراق لەسەر هێڵن بۆ چارەسەرکردنی ئەو گرفتەی دروست بووە.
کۆمێنت (0)
تا ئێستا هیچ کۆمێنتێک نەکراوە.