وەزیری دارایی و ئابووری ئەمڕۆ دووشەممە لەمیانەی پێشوازیكردنی لە (لیو جیون) کونسوڵی گشتی کۆماری میلـلی چین لە هەرێمی كوردستان، نوێترین زانیاری لەبارەی مووچەی مووچەخۆران و هێزە ئەمنییەكان ئاشكرا كرد.
ئاوات شێخ جەناب وەزیری دارایی و ئابووری لە كۆبوونەوەكەدا ڕایگەیاند: لێکتێگەیشتن و بەرەوپێشچوون بۆ چارەسەری کێشەی مووچە هەیە و چەند جارێک وردبینی لە لیست و ناوی هێزە ئەمنییەکان کراوە.
راشیگەیاند: هەرچەندە بە پێی بڕیاری دادگای فیدراڵی، نابێت هیچ کێشە و هۆکارێک ببێتە هۆی دواکەوتن و نەدانی مووچە، بەڵام بە بیانووی وردبینییەوە هەموو مانگێک کێشەیەکی نوێ بۆ مووچە دروست دەکەن، لە کاتێکدا بەپێی یاسای بودجە دەبێت سێ مانگ جارێک وردبینی لە خەرجی و داهات بکرێت.
ئاوات شێخ جەناب ئاشكراشی كرد كە هەرێمی کوردستان پابەندییەکانی خۆی جێبەجێ کردووە، لەوانە گەڕانەوەی بەشی گەنجینەی فیدراڵی لە داهاتی نانەوتی هەرێم و ڕادەستکردنی لیست و ناوی هێزە سەربازی و ئەمنییەکان و بەردەوامی بە بانکیکردنی مووچەی فەرمانبەرانی هەرێمی کوردستان و ناردنی ڕاپۆرتی تەرازووی پێداچوونەوەی مانگانە.
کۆمێنت (0)
تا ئێستا هیچ کۆمێنتێک نەکراوە.