سەرۆك وەزیرانی عێراق فەرمانی كرد رۆژی یەكشەممەی داهاتوو لە سەرجەم فەرمانگە و دامودەزگاكانی حكوومەت پشووی فەرمی بێت بەبۆنەی دەستپێكی مانگی موحەڕەم و سەری ساڵی كۆچی.
ئەمیندارییەتی گشتیی ئەنجوومەنی وەزیرانی عێراق لە بەیاننامەیەكدا بڵاوی كردەوە: محەمەد شیاع سوودانی سەرۆك وەزیرانی عێراق لە كۆبوونەوەی رابردووی ئەنجوومەنی وەزیران رایگەیاندووە كە رۆژی یەكشەممەی داهاتوو رێكەوتی 7/7/2024 لە فەرمانگە و دامودەزگاكانی حكوومەت پشووی فەرمی دەبێت، بەبۆنەی دەستپێكی مانگی موحەڕەم و سەری ساڵی كۆچی.
بەگوێرەی رۆژژمێری حكوومەتی هەرێم پشووەكە فەرمانگە و دامودەزگاكانی هەرێمی كوردستانیش دەگرێتەوە و رۆژی یەكشەممە 7/7/2024 پشووی فەرمی دەبێت.
کۆمێنت (0)
تا ئێستا هیچ کۆمێنتێک نەکراوە.