ئێوارەی ئەمڕۆ سێشەممە ئۆتۆمبێلێکی جۆری نیسان پاتڕۆڵ لە گوندی لانە سیتی لە شارۆچكەی کەلار، دوای ئەوەی کۆنترۆڵ لە دەست دەدات، سێ منداڵ دەشێلێت پاشان خۆی دەکێشێت بە بۆردێک و زیان بە بۆردەکە دەگەیەنێت.
ئەو منداڵانەی لە رووداوەكەدا برینداربوون لەدایکبووی ساڵانی 2016 و 2017ـەن و خەڵكی گوندی لانە سیتین لە شارۆچكەی كەلار و بە سەختی بریندار بوون.
هەرسێ منداڵە بریندارەكە بۆ وەرگرتنی چارەسەر ڕەوانەی نەخۆشخانەی فریاکەوتنی شەهید هەژار کراون.
بەڕێوەبەرایەتی هاتوچۆی گەرمیان لەبارەی رووداوەكە رایگەیاند كە لێکۆڵینەوەیان لەسەر ڕووداوەکە دەستپێکردووە و بۆیان دەركەوتووە كە شوفێری ئۆتۆمبێلەکە مۆڵەتی شۆفێری نەبووە.
کۆمێنت (0)
تا ئێستا هیچ کۆمێنتێک نەکراوە.