پاڤێل مۆراڤیكۆ سه‌رۆكی ئه‌ركانی گشتی و جێگری یه‌كه‌می وه‌زیری به‌رگریی بیلاڕوسیا رایگه‌یاند، ئه‌گه‌ر سه‌ربه‌خۆیی وڵاته‌كه‌ی بكه‌وێته مه‌ترسییه‌وه، ئه‌وا ده‌توانێت چه‌كی ئه‌تۆمی ناستراتیژیكی مینسك به‌كاربهێنێت.
له لێدوانێكی رۆژنامه‌وانیدا پاڤێل مۆراڤیكۆ رایگه‌یاند ئێمه فێربوین چۆن مامه‌ڵه له‌گه‌ڵ ئه‌م چه‌كانه‌دا بكه‌ین، ده‌زانین چۆن به متمانه‌وه چه‌كه‌كانمان به‌كاریان بهێنین و توانای ئه‌وه‌مان هه‌یه.
هه‌روه‌ها ئاماژه‌ی به‌وه‌شكرد، ئێمه له نزیكه‌وه چاودێری سه‌رجه‌م كاره‌كانی هێزه‌كانی ناتۆ و هێزه چه‌كداره نیشتمانییه‌كانی وڵاتانی دراوسێمان ده‌كه‌ین، و لێكۆڵینه‌وه له‌و ته‌كنیك و شێوازانه ده‌كه‌ین كه پراكتیزه‌یان ده‌كه‌ن و زۆر به‌باشی ئه‌وه ده‌بینین كه ناتۆ و ئه‌مه‌ریكا چوار ئۆپه‌راسیۆن له نزیك سنوره‌كانمان ئه‌نجام ده‌ده‌ن.
له‌هه‌مان كاتدا سه‌رۆكی ئه‌ركانی گشتی بیلاڕوسیا جه‌ختیكرده‌وه، "ئه‌مڕۆ ئێمه بژارده‌ی كرده‌وه‌مان بۆ هه‌موو ئیستفزازییه بیركردنه‌وه و بیرنه‌كراوه‌كان په‌ره‌پێداوه و ئاشكراشیكرد كه بیلاڕووسیا له ڕێگه‌ی سه‌ربازییه‌وه په‌یوه‌ندییه‌كانی له‌گه‌ڵ ڕۆژئاوا ده‌پارێزێت و پێش ئه‌وه‌ی چه‌كه‌كان ده‌ست به قسه‌كردن بكه‌ن، به‌زۆری دیپلۆماتكاران قسه ده‌كه‌ن.
کۆمێنت (0)
تا ئێستا هیچ کۆمێنتێک نەکراوە.