له‌م هاوینه‌دا گه‌رمه‌دا كاركردن بۆ لابردنی به‌فری سه‌ر ڕێگاكان له‌ هه‌كاری به‌رده‌وامه‌

 له‌ كوردستانی توركیا به‌ سێ تیم كارده‌كرێت بۆ لابردنی ئه‌و به‌فره‌ی تا ئێستا بووه‌ته‌ به‌ربه‌ست بۆ هاتووچۆی هاووڵاتییان له‌ پارێزگای هه‌كاری هه‌یه‌.

 لە ناحیەی گەڤێرا (یوکسێکۆڤا)ی سەر بە  پارێزگای هه‌كاری له‌ كوردستانی توركیا، هێشتا کارەکانی لابردنی بەفر  بەردەوامە.

 تیمێك كه‌ ماوەی 25 ڕۆژە کار دەکەن بۆ کردنەوەی ڕێگای داخراو لە چیای ئیکیاکا لە دەریاچەی سەهۆڵبەندی ساتێ و ناوچەی گۆڵەرباشی.

تیمه‌كه‌ لە بارودۆخێکی سەختدا بە 3 ئامێر و 5 کارمەند کاردەکەن بۆ کردنەوەی ڕێگاکە لەو ناوچەیەی کە 8 مەتر بەفری لێیە.

بەپێی زانیارییەکان تا ئێستا 7 کیلۆمەتر لە ڕێگاکە کە 11 کیلۆمەترە کراوەتەوە.