Erbil 15°C شەممە 15 حوزەیران 11:11

فڕۆكەیەكی دیكە كە سەركردەیەكی هەڵگرتووە كەوتەخوارەوە

کوردستان TV
100%

ئەمڕۆ دووشەممە فڕۆكەیەك كە جێگری سەرۆكی وڵاتێكی كیشوەری ئەفریقیا و 9 كەسی دیكەی هەڵگرتووە، لە ئاسمان ون دەبێت و تا ئێستا چارەنووسی سەرنشینەكان نادیارە.

فڕۆكەكە هەریەك لە ساولۆس چیلیما جێگری سەرۆكی مالاوی و 9 كەسی تری تێدا بووە و لە سەرلەبەیانی ئەمڕۆ دووشەممەوە هیچ زانیارییەكی لەبارەوە نییە.

فڕۆكەكە لە بەیانییەوە شاری لیلونگوای پایتەختی جێهێشتووە بەرەو دوورگەی ئەلباهاما بەڕێكەوتووە، بەگوێرەی زانیارییە سەرەتاییەكان لە ڕێگە تووشی رووداوێك بووتەوە و كەوتۆتە خوارەوە.

تیمەكانی رزگاركردن لە بەیانییەوە بەڕێوەن بۆ دۆزینەوەی فڕۆكەكە، بەڵام تا ئێستا هیچ سەرەداوێكیان نەدۆزیوەتەوە و نەگەیشتوونەتە شوێنی فڕۆكەكە.

رووداوەكە هاوشێوەی ئەو رووداوەیە كە لە ئێران رووی دا، رۆژی 20ی مانگی رابردوو فڕۆكەیەك كە ئیبراهیم رەئیسی سەرۆك كۆماری ئێران و حوسین ئەمیر عەبدلڵاهیان وەزیری دەرەوە و چەند بەرپرسێكی تری ئێرانی هەڵگرتبوو، بەهۆی خراپی كەشوهەوا كەوتە خوارەوە، بەهۆی رووداوەكە سەرجەم سەرنشینانی فڕۆكەكە گیانیان لەدەست دا.

جیهان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.