ئاسايش سیناریۆی چەند كەسێك بە مەبەستی وەرگرتنی ئیقامە لە دەرەوەی وڵات بڵاو دەكاتەوە

ئاسایشی هەولێر ئەمڕۆ پێنجشەممە ڤیدیۆی سیناریۆی چەند كەسێكی بڵاو كردەوە كە بۆ مەبەستی وەرگرتنی ئیقامە لە دەرەوەی وڵات دروستیان كردبوو.

ئاسایشی هەولێر ئاماژەی بەوە دا: دوای ئەوەی ئاگادارکراینەوە لە ڕووداوێکی ڕفاندن لە گەڕەکی باداوەی شاری هەولێر، دەستبەجێ لەلایەن هێزەکانمانەوە بەدواداچوون و لێکۆلینەوە کرا.

راشیگەیاند: لە ماوەیەکی کەمدا توانیمان ناسنامەی تۆمەتبارەکان ئاشکرا بکەین بەناوەکانی (أ، أ، أ) و (ه، أ، أ) و (ب، م، أ) و (ب، ز، م) و (م، ص، ح)، دواتر بەفەرمانی دادوەری لێکۆڵینەوەی ئاسایشی هەولێر دەستگیرمان کردن.

هەروەها رایگەیاند: دوای ئەنجامدانی لێکۆڵینەوەی زیاتر لەگەڵ تۆمەتباران، دەرکەوت ئەنجامدانی ئەم کردەوەیە گێرەشێوێنییە، بەشێوەی سیناریۆ ڕێکخراوە لەنێوان ئەندامانی بنەماڵەیەک کە لە برا و خاڵ و خوارزا و ئامۆزا پێکهاتوون.

ئاسایش ئاماژەشی دا: ئامانجیان لەم کردەوەیە بۆ ئەوە بووە کە یەکێک لە برای تۆمەتبارەکان بەناوی (م، أ، أ) کە ئێستا لە وڵاتێکی ئەوروپایە، ئەو سیناریۆی ڕفاندنە وەکو کەیسێکی سیاسی لەو وڵاتە پێشکەش بکات و مافی پەنابەری پێ وەربگرێت.

ڤیدیۆ.. تۆماركردنی سیناریۆی تۆمەتبارەكان:-